Dama transporta pa Hospital despues di a accidenta na Santa Martha

Dialuna mainta algo prome cu 9’or, Polis a wordo pidi pazuid di e dam na Santa Martha. Eynan un Hyundai Accent lo a dal contra un pal’i luz.

Un persona cu a mira kico a pasa a bisa na prome instante lo ta trata di un cabayero, pero na yegada di Polis a topa cu un dama drumi (benta) den e auto como chauffeur.

N’e banda robes di e auto por a mira cu e Accent a baha caminda rancando e spiel di e auto y di eynan el a keda na banda di caminda. Polis a nota cu e dama ta halando rosea, pero ni cuanto nan a trata na lante e no tabata reacciona.

No a keda nada otro pa solicita pa un ambulance bin tira un bista, aunke cu visibelmente e no tabata mustra di a ricibi un of mas golpi. A notifica Departamento di Trafico tambe pa presenta n’e sitio.

E dama den e V-car despues di algun rato a “spierta”. Algun minuut despues ambulance a yega y paramediconan a bay atende cu e dama.

Despues di un evaluacion cortico a opta pa hiba e dama Hospital, unda lo mester bay haci un check up mas extenso.