Prueba di Naturalisacion 2021

Departamento di Enseñansa Aruba (DEA), seccion Examenbureau, ta informa cu inscripcion p’e Prueba di Naturalisacion (Naturalisatietoets) pa aña 2021 lo tuma lugar na luna di augustus.

Normalmente e Prueba di Naturalisacion ta tuma lugar dos biaha pa aña. E prome rond di inscripcion a tuma lugar na luna di januari, mientras cu e di dos rond ta tuma lugar na luna di augustus.

Na aña 2020 y 2021 sinembargo, pa motibo di e situacion di crisis di Covid-19, tin un solo rond di inscripcion cual lo tuma lugar na luna di augustus.

Na momento cu e fecha exacto ta conoci, esaki lo keda publica den e.o. AWEMainta y riba nos website www.ea.aw.

PRUEBA

E Prueba di Naturalisacion desde 1 di januari 2011 ta consisti di un (1) componente di conocemento di nos comunidad y structura estatal, cuater (4) componente di idioma Papiamento y cuater (4) componente di idioma Hulandes.

Departamento di Enseñansa Aruba pa medio di su Examenbureau ta encarga specificamente cu e Prueba di Naturalisacion y no tin ningun participacion den henter e proceso di naturalisacion.

E proceso di Naturalisacion ta na encargo di Gabinete di Gobernador di Aruba.

MAS INFORMACION

Pa mas informacion relaciona cu e Prueba di Naturalisacion por acudi n’e website di Departamento di Enseñansa Aruba www.ea.aw. Riba e pagina principal di e website mester busca Naturalisatietoets (na letter N) of Prueba di Naturalisacion (na letter P) den e alfabet menu.

Tambe por sigui DEA via social media, facebook y instagram @EducationAruba, pa keda na altura di tur informacion.