“Resultado di Badminton Escolar 2021”

Dia 17 di april 2021 a tuma lugar na Centro Deportivo Playa weganan final di badminton escolar den categoria A, B y C organisa pa IBiSA.

Weganan a tuma lugar cu tur medida di protocol di deporte y a keda supervisa pa personal di IBiSA.

Aruba Badminton Bond a organisa e weganan di clasificacion, semi final y final.

Categoria A:                      

Den categoria A, scol campeon a resulta Scol Basico Washington cu 4 wega gana, 9 set point y saldo di 74, sub campeon a keda Scol Primario Kudawecha cu 1 wega gana, 2 set point y saldo di -74, na di tres lugar a keda Colegio Santa Filomena cu 3 wega gana 6 set point y saldo di -5 y na di cuater lugar a keda Prinses Amalia Basis School cu 2 wega gana 4 set point y saldo di 5.

Categoria B:

Den categoria B, scol campeon a resulta Scol Primario Kudawecha cu 5 wega gana, 10 set point y saldo di 84, sub campeon a resulta Scol Basico Washington cu 0 wega gana, 2 set point y saldo di -84, na di tres lugar a keda Colegio Santa Filomena cu 3 wega gana, 6 set point y saldo di 15 y na di cuater lugar a keda Colegio Sagrado Curazon cu 2 wega gana, 5 set point y saldo di -15.

Categoria C:

Den categoria C, scol campeon a resulta Maria College Dependance cu 4 wega gana, 8 set point y saldo di 60, sub campeon a resulta Maria College cu 1 wega gana, 3 set point y saldo di -60, na di tres lugar a keda Colegio Arubano cu 3 wega gana 8 set point y saldo di 44 y na di cuater lugar a keda Sint Augustinus College cu 2 wega gana, 4 set point y saldo di -44.

IBiSA ta gradici Aruba Badminton Bond pa a prepara e muchanan cu entrenamento, como tambe a organisa clasificacion di badminton, semi final y final y tambe na mes momento ta yuda stimula y aporta den e deporte di badminton durante deporte escolar.

IBiSA ta felicita tur scol cu a participa na e torneo di badminton y tambe na tur scol cu a bay cu premio di e torneo aki.