Señora di edad levemente herida den accidente na Piedra Plat

Diamars den oranan di merdia Polis a topa cu un dalmento riba e caminda di Piedra Plat, na altura di e lugar cu ta drecha tire.

Agentenan a baha tira bista y a constata cu un señora di edad tabata sinti su cabes, mesora agentenan a pidi pa un ambulance aunke tabata trata di algo leve.

Departamento di Trafico tambe a wordo pidi n’e sitio. E autonan envolvi tabata un Chevrolet Chevy y un Toyota Corolla cu t’esun cu a dal tras di e Chevrolet. 

Na yegada di ambulance, Paramediconan a trata e señora, mientras e agente di trafico tabata tuma dato.