Sin Sombra Shinishi t’e exposicion nobo na Ateliers ’89 Academia di Bellas Artes Aruba

Diadomingo awor pa 6pm. Ateliers ’89, siguiendo tur e reglanan di Covid stipula pa DVG, lo habri su portanan un bes mas pa publico en general, cu su exposicion nobo titula Sin Sombra Shinishi.

Sin Sombra Shinishi ta un exposicion di e resultado di e participantenan di e workshop “Possibilities on a Plate” di Printmaking, cu a ser efectua durante un luna na Ateliers ’89.

Den e tayer aki a experimenta riba e diferente manera actaul y contemporaneo usando e tecnica aki di imprimi. Un proceso cu a dura bastante largo pa por tin e tecnica bou di man y tambe uno cu a bay cu hopi pasenshi p’asina por a crea e obranan cu lo wordo presenta den e exposicion diadomingo awor. 15 Participante lo mustra nan creacionnan mas recien tur e esaki bou di guia di e gran maestro artista Irvin Aguilar Mexico Aruba.

Unda cu hopi pasenshi a hiba dialogo intenso con pa realisa y presenta e obranan den forma di serienan, individual 3D y tambe instalacionnan. Un presentacion interesante y diferente cu un concepto nobo.

Dirgi p’e maestro cu e talentonan di e participantenan. Nan ta Eefje Steeghs, Lupita Bernabela, Thamyris Thiel, Nuris Lampe, Alexis Dirksz, Brigitte Boekhoudt, Judith Werleman, Sandra Peña, Velvet Zoe Ramos, Facundo Franken, Estella Thodé, Suyin Ridderstaat, Mirzah Manga, Fernando Vermeer y Irvin Aquilar mes.

E apertura lo ta cu entrada gratis unda lo tin entretenimiento musical, bar y cushina cu 

lo ta bon surti. Bo precencia lo ta altamente aprecia. 

Fundacion Ateliers ’89 un bes mas ta bisa un danki grandi na tur cu ta aporta na Ateliers ’89 pa asina nos por realisa e eventonan aki. Gobierno di Aruba, Fundacion Mondriaan, Bank Giro Loterij, VNO, UNOCA, CEDE Aruba, Gargage Central, Rotatary Club y tur e otro instancianan cu di un of otro manera semper ta yuda Ateliers ’89.