Knops a habri kranchi di plaka di nobo pa Sint Maarten

PHILIPSBURG—Un karta ku Presidente di Parlamento di Sint Maarten, Rolando Brison, a manda pa Sekretario di Estado Raymond Knops a pone e mandatario Hulandes pasa man na su kurason i pordoná Sint Maarten pe karta ku nan a manda Nashonnan Uni kalifikando Hulanda komo pais rasista i kolonialista.

Despues di a lesa e karta el a anunsiá reanudashon di asistensia finansiero pa Sint Maarten.

Den deklarashon ku Knops a hasi ne diario The Daily Herald ayera, el a indiká ku e karta ta satisfaktorio Konseho di Minister Hulandes i por sigi manda plaka.

Djabierne awor Konseho di Minister di Hulanda lo reuni riba kontenido di e karta.

Knops a wanta un suma i 39 mion florin ku tabata reservá pa fortalesé e posishon di kèsh di gobiernu i nan a bai di akuerdo pa aprobá e programa COHO.

Parlamento di Sint Maarten a debati riba e karta siman pasá i tabatin poko Parlamentario ku tabatin kritika brabu kontra e karta di ku via Presidente di Parlamento a bay pa Knops.

E karta ta bisa ku gobiernu di Sint Maarten ta di akuerdo ku  e ruta ku ta hibando ku COHO i no tin nada malu di bisa kontra un órgano di Reforma manera Hulanda a disidi dia 22 di desember aña pasá.