Tema p’e Dia di Tera 2021. Ta enfoca riba importancia di “Restaura nos Mundo”

Manera ta conocí, anualmente mundo ta celebra Dia di Tera riba e fecha di 22 di april y pa conmemora esaki, tur aña United Nations ta escoge un tema pa concientisa riba e importancia di e conservacion di nos mama tera.

E aña aki e tema ta: “Restore Our Earth”. Na Papiamento esaki ta nifica: “Restaura Nos Mundo” cu tin como meta pa concentra riba procesonan natural, combina tecnologianan berde cu pesamentonan inovativo cu por restaura nos ecosistema mundial.

Di e manera aki e tema ta rechasa e nocion di mitigacion of adaptacion cu t’e unico forma pa adresa e cambio climatico. E ta depende cada ser humano pa restaura nos mundo, pa motibo cu no solamente e ta un preocupacion y un responsabilidad di nos, pero alabez e aspecto primordial ta cu nos ta biba riba dje.

Nos tin mester tin un tera saludabel pa apoya nos trabounan, cual den caso di Santa Rosa, nos tin e nececidad di tin un mundo fertil, medionan di bida, salud, supervivencia y felicidad. Un planeta sano no ta un opcion, pero mas bien un necesidad. Mas di 20.000.000 persona den 192 pais ta participa awor den e diferente actividad anual relaciona cu “Dia di Tera”.

Esaki ta haci cu Dia di Tera a bira e celebracion civico di mas grandi di mundo. Awe nos ta extende un invitacion na bo persona pa ta parti di e Dia di Tera y yuda promove e accion climatico den henter mundo.

Enfretando e crisis di Covid-19, sistema nan virtual a bira un manera pa por a conecta diferente comunidad cu otro, debi cu no por reuni den un forma personal mas.
Apesar cu e Crisis Climatico y Covid-19 a presenta desafionan importante, e circunstancia nan di awe ta uni nos mas fuerte cu nunca. Na momento cu bo plania pa educa un comunidad lo ta bon pa encurasha tur persona, pa contribui cu practica nan, cual ta mas significativo y apropia pa hunto aporta n’e mesun causa.

Tin un cantidad di plataforma digital manera Zoom, Skype, Google Hangout, Youtube, y esun mas grandi ta Facebook Live, cu sigur ta aporta cu eventonan digitalisa pa asegura cu e mensahe y concientizacion ta yega na un grupo grandi di usuario.

Asina por tuma nota cu eventonan digital tin e mesun objectividad y resultado cu reunion nan personal. E ta dunabo oportunidad tambe pa ahusta e logistica y asina adapte mihor posibel n’e abilidad y necesidad di bo audiecia. Na honor di e tema oficial di e aña aki 2021,  cual ta “Restaura nos Mundo” ta bon pa educa e comunidad, especialmente e generacion benidero y alabez genera oportunidad nan pa hiba un futuro mas saludabel y sostenibel.

For di alfabetisacion climatico, agricultura generativo y reforestacion te cu contaminacion dor di plastic por reanuda e desafio y obhetivo nan pa restaura nos mundo. Ta wordo menciona algun punto hopi cu por yuda den educacion di un comunidad relaciona cu e temanan aki.

Informa; comunidad riba e problemanan ambiental local y con e cambio climatico por afecta region, pais y mundo complete promove; balor y comportacionan participativo cu por mehora e degradacion ambiental  y e cambio nan climatico. Ta hopi importante pa empodera bo comunidad cu participacionnan civico nececario pa tuma medidadnan pa yuda combati e cambio climatico.