Hofi den bario 55 – 60+

Despues di e encuesta di juli 2020, pa haya sa kico t’e deseonan di nos adultonan mayor, Orguyosamente Fundacion Movemento Ta Bida,den su proyecto Hunto Grandi, Grandi Hunto ta anuncia cu lo bay start cu e proyecto di “Hardineria”.

Esaki ta un di e peticionnan cu a resalta den e encuesta, hunto cu “Desaroyo Digital”, cual proyecto ya a conclui y por bisa tabata un exito rotundo.

Den e proyecto di Hardineria, ta duna preferenia na adultonan di 55 – 60+ pa nan por sali for di cas pa un par di ora y encontra cu otro den un otro ambiente.  Alabes haciendo algo nobo p’afo di cas.  Esaki lo ta na tereno cu conhuntamente cu Cas Sjabururi a pone disponible pa Fundacion Movemiento ta Bida.

E proyecto aki sigur lo tene e curpa y e mente activo, cualnan sigur t’e meta di FMTB. E fecha tentativo pa inicia lo ta y lo tuma lugar na Cas Shabururi.

Tin algun exigencianan cu lo mester por cumpli cu ne, e.o.: Experiencia basico den Hardineria; Por traha independiente; Transporte propio; Mester tin tempo, parti mainta; Hofi lo ta habri di dialuna-diadomingo 6:00 – 10:00 y Habri pa hende homber y hende muher.

Pa inscripcion yama na 641 9272 di 9:00 – 11:00, pa bo no perde e oportunidad unico aki.

Mester tene na cuenta cu cantidad di participante ta limita, pa motibo di e situacion reinante di Covid-19.