Integridad t’e forma cu ta basa cada desicion y no djis un palabra

Den combersacion cu Robert Candelaria, candidato riba lsita di partido AVP p’e siguiente eleccion, a toca e parti di integridad. Den su bista, integridad no ta refleha den palabra, pero t’e fundeshi di bo manera di biba, pensa, funciona y tuma desicion. E liña cora den bo trabou.

Na tur momento den decisionnan cu bo tuma den cuadro di ley, moralidad y etica esaki lo bin dilanti. Akinan ta caminda ta midi e persona su integridad.

Cuminsa na cumpli cu regla y procedura corecto p’asina por mira integridad bin bek den gobernacion, pero primordialmente cu e pueblo eyfo por haya e confiansa bek cu su Parlamento, su departamentonan ta integro.

Candelaria ta haci un yamado na comunidad, partido, politiconan, pa biba un bida di integridad p’e confiansa por bin bek.