Aruba Bank ta yuda realisa vision di OLV Fatima College

Pa varios aña caba Fatima College ta trahando duro riba e renobacion di nan skol. Diferente proyecto a wordo poni riba papel p’asina por wordo realisa.

Aruba Bank a contribui n’e vision completo cu OLV Fatima College tabatin den mente. For di un propio muzieklokaal pa un renobacion completo di e biblioteca di skol. Esaki ta bay man den man cu e desaroyo di cada alumno den e area di lesamento y e oportunidad pa por siña mas di musica como un materia di e curriculum escolar.


Aruba Bank ta contento y orguyoso di por contribui na desaroyo di cada alumno di OLV Fatima College.
Pa contribui na OLV Fatima College por tuma contacto cu cabesante sr. Franklin Richardson na 582 2037of por bishita nan Facebook page: https://www.facebook.com/OLVFatimacollege.