Henk Kamp y Hellen van der Wal renombra miembro di C(A)ft

Tanto señor Henk Kamp como señora dr. mr. Hellen van der Wal ta bay pa un di dos termino den e Colegionan di supervision financiero.

Ta renombra Henk Kamp entrante dia 1e di juli 2021 miembro di Colegio di supervision financiero di Corsou y Sint Maarten (Cft) y di Cft di Boneiro, Sint Eustatius y Saba riba proposicion di Hulanda pa un periodo di tres aña.

Pa Colegio di supervision financiero di Aruba (CAft) su renombramento p’e mesun periodo ta drenta na vigor dia 1e di augustus 2021. P’e Colegio aki tambe ta renombra señora Hellen van der Wal entrante e mesun fecha pa un periodo di tres aña. Su renombramento ta riba proposicion di Aruba.

A trata e renombramentonan recientemente na nivel ministerial y lo efectua nan pa medio di Decreto Real. Henk Kamp y Hellen van der Wal ta miembro di C(A)ft for di zomer di 2018. Banda di su miembresia di e colegionan Henk Kamp tin actualmente varios funcion secundario, entre otro como Presidente di e Asociacion Sectorial di e organisacionnan cu ta activo riba tereno di cuido y asistencia di anciano, enfermo (cronico) y hubentud, y como Presidente di Conseho di Supervision di un hospital. Hellen van der Wal ta, entre otro, Presidente di Dutch Caribbean Nature Alliance y Vice Presidente di Conseho di Supervision di Aruba National Parks Foundation.