Despues di a dal den cura di un cas cu auto, chauffeur a baha core bay

Diabierna anochi den careda di 7:45 Polis a bay cruzada conoci pa accidente na Solito, esta altura di stadion di RCA. Informacion a drenta di un accidente fuerte eynan.

Na yegada di Polis nan no tabata mira nada particular. A bin resulta cu e accidente no a sosode riba e cruzada di Kamerlingh Onnesstraat cu Hubadastraat, pero un poco mas pariba direccion Sero Blanco.

Panort di caminda Polis a bin topa cu un Nissan Skyline cu tabata pega contra un cura di cas.

Habitantenan lo a scucha un zonido duro prome y a pensa kizas lo tabata riba e cruzada.

Despues di e accidente chauffeur di e Nissan lo a bandona e sitio, lagando e auto atras. Polisnan a tuma nota y a solicita pa un takelwagen pa bay cu e auto Balashi.