E experiencia di jardin unico di Boardwalk Hotel ta haña di prensa Hulandes

Boardwalk Boutique Hotel Aruba a ricibi atencion den e corantnan Hulandes pa nan video unico cu duracion di 3.5  minuut, unda espectadornan por wak dor di e wowo y halanan di un trupial e jardin y kambernan di e hotel.  

E video a wordo lansa dor di Boardwalk na honor di Dia di Tera p’e flora y fauna di Aruba na un manera único. P’e video, FPV (first person via) drone racing a wordo usa p’asina ilustra e perspectiva di e parha colorido y yen di melodia. Entre otro e diario nacional mas grandi De Telegraaf a dedica basta atencion n’e concepto di video y na experiencia unico di jardin di Boardwalk.

Boardwalk Boutique Hotel, situa riba e tereno  cu anteriormente tabata sitio di plantacion Tromp, un plantacion di coco, a planta durante e expancion di e hotel 2.300 palo y mata nobo, incluyendo hopi matanan local.

E diseño di e jardin a wordo proporciona dor di Artesano Studio y compania local Fantastic Gardens. Nan a yuda cu e seleccion di vegetacion y a cuminsa casi dos aña prome cu e plantamento cu e “perservacion” di palo y matanan cu p’e motibo ey na momento di planta e jardin nan por a ilustra un jardin avansa y cubri.

“E bon colaboracion cu e socio local Fantastic Gardens a resulta fantastico. Danki na nan gran conocemento di e palo y matanan local y nan vision di reserva  grupo  grandi di palo y mata pa nos.

Awor  nos por ofrece nos huespednan un experiencia di jardin cu pa hopi ta wordo describi como un di e jardinnan mas bunita di Aruba. Nos ta sumamente contento di por ofrece e pida berde y unico aki di Aruba na nos huesped nan pa disfruta nan vacacion” esaki segun propetario di hotel Kimberly Rooijakkers.

Boardwalk Boutique Hotel ta un compania familiar local, cu 46 casitas plama den e jardin tropical di un anterior plantacion di coco. Huespuednan tin aceso na servicio di concierge, 2 piscina y servicio di lama cu palapa y camanan, un espacio pa ehercisio cu spa y posibildad pa practica yoga y servicio di desayuno y lunch di Eduardo’s Beach Shack. Boardwalk a ricibi su certificado di oro di TravelLife pa nan operacion y iniciativa nan sostenibel. Pa mas informacion por bishita www.boardwalkaruba.com