Industria Hotelero y di Turismo ta di luto cu morto di Alex Nieuwmeyer

Tabata dialuna mainta cu e tristo noticia a plama, cu e conocido personahe den mundo di industria hotelero y di turimo di Aruba, Alex Nieuwmeyer a fayece despues di a lucha cu e malesa incurable, pero apesar di su resistencia,  el a perde e bataya. Alex Nieuwmeyer tabata Presidente di e compania Grapes Holding cu ta operador di hotelnan Divi Resorts y consorcionan pa 27 aña largo. Alex Nieuwmeyer a sa di haci hopi cambio den e compleo di Divi Hotels, creando tambe restaurantnan di renombre. E tabata un tempo Presidente di AHATA.

Pa loke ta su trabao social, el a funda Divi Impact Foundation y asina a yuda tur esnan cu tin mester. Alex Nieuwmeyer ta laga un bashi grandi atras. Condolencia na tur cu a conoce y sigur na su famia. Cu Alez sosega na paz.