Pasahero riba buelo di KLM deteni, el a nenga di haci test na yegada

Diadomingo atardi Grens Politie na Aeropuerto a haye ta actua algun rato despues cu avion di KLM a baha.

Un dama abordo cu lo mester a haci e Covid test a nenga di haci esaki y a sali na careda bay. Polis por a mira cu el a core bay direccion caminda principal. 

Mientrastanto a avisa mas patruya p’asina yuda stop e muher cu a bay para mey-mey di caminda grandi.

Den algun minuut tanto Grens Politie y patruya di Playa a yega unda e dama ta y nan tabata papia cu ne. N’e terminal di Aeropuerto casa di e dama tabata wardando.

Polis y tambe esnan cu ta haci e test na Aeropuerto a bay otro banda di caminda, kizas pa mira e posibilidad di splica e dama cu e mester haci e test, pero sin resultado.

No a keda Polisnan nada otro pa aresta e dama y hibe Warda di Polis. Debi n’e Pandemia mundialmente tur cos a cambia, esta cu si bo yega un pais y ta nenga di coopera of sigui nan/e reglanan stipula bo lo hayabo den problema sigur cu autoridad.