Ta añadi mas experiencia y motivacion pa cambio na un lista ya fuerte di AVP

Na momento cu nos pais ta buscando speransa y solucion pa un sin fin di problema y retonan, e mihor yiunan di nos pais ta lanta para y pone nan talento na servicio di nos pais. E yamada aki di Mike Eman a wordo bon scucha.

Despues di mas cu un siman di hobennan profesional cu a scoge pa drenta politica, pa duna ainda mas na nan pais, diadomingo anochi Clifford Heyliger, a anuncia cu e ta pone su mes disponibel pa eleccion pa Parlamento di dia 25 di juni awor.

Den su presentación Clifford Heiliyerno a laga niun duda ta pakico e ta para y kico e ta contra. Su presentacion tabata emocional, franco, directo y convincente di cu aki nos tin un homber, cu un carera profesional, un experiencia como sindicalista y activista social, envolvi den un cantidad di organisacion cu tin un cos den comun: sirbi e interes di trahadornan y nan famia.

KEN TA CLIFFORD HEYLIGER

Clifford Heyliger  a nace y crece na San Nicolas. Na edad di 14 aña el a bay Hulanda pa caba scol secundario y pa studia. Despues di su estudio el a bolbe Aruba y mester a cuminsa traha den hotel, pasobra e no por a haya trabou den e ramo tecnico cu el a studia.

Ora a habri un oportunidad den refineria el a aplica y wordo acepta. Atrobe aunke e funcion no tabata den su ramo di estudio.

Finalmente el a haya oportunidad pa traha den e planta di WEB y cu añanan di trabou y experiencia, el a bira Hefe di e laboratorio di WEB.

Clifford Heyliger tabata un sindicalista, kende a representa trahadornan di WEB pa hopi aña. Coleganan ta describi Clifford como un lider cu ta scucha su hendenan bon, prome cu e papia of haci algo. E ta casa y tin dos yiu teenager.

EXPERIENCIA            

Loke ta resalta serca Clifford Heyligerta su caracter suave, su amabilidad, su forma di papia cla sin drei rond di e tema y su experiencia. Ora Bo papia di “hende serio”, wel ata Clifford. E ta personifica e expresion “hende serio”, cu ta nifica, hende cu Bo por tuma na serio, hende cu Bo por confia, hende cu sa di kico e ta papia.

Sin duda, Clifford Heeyliger ta añadi ainda mas n’e team di candidatonan profesional nobo y entusiasto, combina cu candidatonan cu experiencia den gobernacion, cu lo ta riba e lista di AVP.

Mirando e retonan grandi cu nos pais ta enfrenta, t’e combinacion aki di conocemento profesional, motivacion pa cambia cos y experiencia den atende cu retonan grandi, cu nos pais tin mester awor aki. Clifford Heyliger no solamente ta fit perfectamente den e team aki, e ta halza e team ainda mas n’e nivel cu nos pais mester!