Chauffeur di Chevrolet Spark a keda pega den auto despues di a ranca un pal’i luz

Diamars anochi den careda di 8’or, informacion a drenta di un accidente serio poco panort di e rotonde di Super Food parti pabou di caminda.

Na yegada di Polis mirando con e vehiculo a keda y e chauffeur pega den auto a pone cu a pidi unidadnan di rescate cu urgencia. 

E vehiculo un Chevrolet Spark bayendo cu velocidad halto pazuid a baha caminda na su man drechi, rancando un pal’i luz completamente. 

Debi n’e impacto fuerte a causa cu a bira dificil pa por a saca e chauffeur cu segun Polis tabata basta serio.

Cuerpo di Bombero na nan yegada a dura basta minuut pa por a saca e victima. Momento cu a saca e chauffeur Paramediconan a tume over y a hibe mesora den ambulance, unda cu despues di algun minuut a sali direccion Hospital. 

N’e sitio nos por a compronde cu e chauffeur muy probablemente tabata maneha su auto bou influencia.