E motibo di caida di Gobierno

E caida di Gobierno no ta pa motibo di e caso di “partido POR” sino cu 1 siman prome cu caida di Gobierno a firma e landspakket cu mester wordo implementa. Segun informacion pa luna di mei 2021 nos lo mira presencia di e Hulandesnan riba nos isla pa implementa e acuerdo firma. Sigur esaki lo ta un desbentaha p’e Gobierno demisionario aki.

Un manera di goberna partido MEP conoce y esey ta medida.  Despues di a bay di acuerdo pa entrega nos autonomia dia 13 di november 2020 nan lo no por negocia locual cu nan a bay di acuerdo cu’ne.

Partido Curpa t’e unico partido cu a para contra di geregistreerde partnerschap cu tanto partido MEP y partido AVP a vota na fabor. Dia 4 di september 2016 tabatin un manifestacion di un grupo di esnan di fe Cristian a laga nan voz resona contra di e amienda 7 e tempo ey. E amienda cu partido MEP a saca for di bari sushi y presente. Tanto e partido geel como e berde a brasa e amienda aki.  Mester remarca cu e grupo mas grandi tabata di e Catoliconan.

For di prome cu e ley  di introduccion di nos codigo civil, caminda e ley geregistreerd partnerschap cu tin mas derecho cu un matrimonio ta hinca aden, e Parlamentarionan tabata sa caba cu si e wordo trata den un reunion den Parlamento e ley aki lo keda aproba.

E reunion a wordo yama dialuna 1 di maart 2021 a wordo trata den nos Parlamento 17 Parlamentario a vota na fabor p’e ley a drenta na vigor. Akinan ni geel ni berde no a tene cuenta cu e deseo di pueblo di Aruba den su mayoria. Esnan cu tabatin mas poder tabata e Parlamentario Tevreden y Guedez di partido MEP.  Ora e reunion a wordo poni riba lista pa wordo trata dia 1 di maart 2020 nan mester a bay Gobernador y bisa Gobernador cu nan no ta sostene e coalicion mas y Gobierno lo a cay y e reunion lo no a tuma lugar mas.

Mi persona lo a haci’e sigur sigur. E ley a pasa y laga nos lubida ban hunga cu emocion di pueblo di Aruba pa eleccion di dia 25 di juni 2021. Ban sigui apoya e berde y geel p’e siguiente eleccion den nan maldad. Ban vota pa nan p’asina educacion di nos yiunan y generacion wordo cambia. MI TA KERE CU PUEBLO DI ARUBA DEN GRAN MAYORIA NO TA DI ACUERDO CU ESAKI.

N’e pueblo di Aruba cu ta kere fielmente den Dios NO VOTA pa partidonan cu no ta kere den Dios y ta bay contra nos himno di Aruba Dushi Terra. Corda riba e ultimo parti frase caminda e ta bisa: CU DIOS POR GUIA Y CONSERVA SU AMOR PA LIBERTAD. 

Pueblo di Aruba duna nos bo apoyo y vota pa partido Curpa dia 25 di juni 2021 p’asina por trese un cambio cu nos ta anhela pa tanto aña. Aruba Lanta y Briya ta bo tempo.