Homber a kumpra outo pa US$3200, pero kier a falsifika e suma real

WILLEMSTAD – Aduana di nos pais no ta un dje Ministerionan di Finansa ku ta gana premio di beyesa pa nan funshonamentu, pero tampoko esei ta nifika ku por tira pará riba nan i sali viktorioso, pasobra hopi di nan tin sentido komun.

I esei a evitá ku un homber ku a kumpra un outo chatara na Merka pa 3200 dòler, pero a yena riba e formulario di Aduana ku ta 2800 dòler el a paga, a hañ’é ta paga e diferensia di impuesto tòg despues.

Pasobra den e dokumentonan ku el a presenta na Aduana tabatin e resibu legitimo dje suma ku el a paga p’e outo na un findishi na Merka.

Riba e “Bill of Sale” di 26 november 2018 el a yena ku preis dje outo chatara ta dòler, pero riba e faktura di findishi a mira ku ta 3200 dòler el a paga.

Despues ku el a kaba di paga e derecho, Aduana a ripara ku el a paga solamente 806 florin di OB riba e Nissan Versa siendo ku e mester a paga  806 florin.

Doño dje outo a protestá kontra e prosedura di Aduana i a paga 50 heldu pa Hues tuma un desishon riba e kaso.

Luna pasá e kaso a bai dilanti di Hues kende saka e sòm di nobo.

E eror ku e importadó dje outo a kometé ta ku el a laga un hende traha un faktura di 2800 dòler komo prijs dje outo, pero Aduana a balotá e outo riba 3200 dòler pasobra te preis ei el a paga na findishi.

Ora konta tur gastu di kompra i transporte dje outo for di Merka pa Kòrsou su balor ta bira 5943 dòler cu ta NAf 10.816.

Riba esaki e ta paga 27% ku ta NAf 2.920 + 9% OB ku ta 974 florin pa un total di 3893 florin ku e mester a paga.

Pa defendé su kousa, doño dje outo  a skirbi un nota ku ta bisa ku “…Yo tenía motivos personales y valido para venderlo a ese precio”, loke naturalmente pa Aduana no tabatin ningun balor legal.

Ku si den pasado Aduana a yega di aseptá desenas di “Bill of Sales” dje bendedó na Merka no al kaso.

Ken sa kuantu biaha den pasado nan no a apliká e triki aki na Aduana, pero e biaha aki e webu a dòl i Aduana a haña rason den Korte.