Canasta di consumo a conoce aumento di prijs

E canasta di consumo di e CPI ta consisti di 408 bienes y servicionan, compara cu februari 2021, 45.6% di e bienes y servicionan aki a conoce un aumento di prijs causando un efecto di 1.11 ppt, mientras cu 35.3% ta mustra un caida di prijs, cu a contribui cu un efecto di -0.49 ppt y p’e restante 19.1% no tabata tin cambio den prijs.

Prijsnan di bienes a subi cu 1.2% y a causa un efecto di 0.67 ppt. Prijsnan di servicionan a conoce un caida di 0.1% y a causa un efecto di -0.05 ppt riba CPI di maart 2021.

Core inflation

E CPIC (core inflation) – CPI excluyendo e efecto di energia y cuminda – a registra na maart 2021 un caida di 1.2%. E indice di energia – cu ta consisti di e productonan: Electricidad, awa, gasolin y diesel a registra un caida di -7.5%. E indice di cuminda a registra un caida di 2.3%.

Bestaansminimum

E bestaansminimum pa un hogar consistiendo di dos (2) adulto y dos (2) mucha (edad 0-15 aña) na maart 2021 ta Afl. 4,741, un caida di Afl. 88 compara cu maart 2020 (Afl. 4.829).

E bestaansminimum pa un hogar di un (1) adulto ta Afl. 2,258, un caida di Afl. 42 compara cu maart 2020 (Afl. 2.300).