Reconocimento na Grupo Scout Casibari Jan Lobrecht pa nan 50 aña educando y formando mucha y hobennan ehemplar den nos comunidad

Diaranson atardi Minister di Cultura Xiomara Maduro a ricibi un delegacion di Grupo Scout Jan Lobrecht. Dia 19 di april ultimo Grupo Scout Casibari Jan Lobbrecht a cumpli 50 aniversario formando hobennan den nos comunidad.

Minister Xiomara Maduro a brinda un reconocemento n’e grupo p’e bunita trabou aki pa comunidad.

Masha danki pa inculca e disciplina, respet y amor den nos hobennan y brinda un fundeshi fuerte pa nos comunidad.

Minister Maduro ta gradici scouting tambe pa semper tey presente n’e Actonan Protocolar na honor di nos dianan nacional. Tabata un rato hopi ameno caminda a comparti e bunita experencia di forma parti di Grupo di Scout.