Votacion e biaha aki lo conoce algun cambio pa e.o. cuida pueblo contra plamamento di Covid-19

Den un encuentro cu Conseho Electoral tabatin diarazon atardi cu prensa local, President Glenn Thode a duna un splicacion detaya di con e proceso di eleccion lo por cana e aña aki. Esaki ta si Parlamento aproba e adaptacionnan temporal cu e entidad a acorda cu otro instancianan local pa prevencion di aglomeracion y contacto fisico.

E siman aki autoridadnan na Corsou a confirma cu proceso electoral na maart ta loke a ocasiona e aumento den cifra di contagion di Covid y morto n’e isla.

Loke si ta ser cuestiona, cu Glenn Thode no ta registra y con bin e por ta Presidente di Conseho Electoral. Lo bay tende mas di esaki.  

Glenn Thode a indica cu na prome lugar a amplia e cantidad di urna electoral. E cantidad di stembureau lo ser amplia na 70 mas bijzondere stembureaus A y B. Esey ta nifica mas of menos 1000 persona pa cada urna lo por participa na eleccion. Tambe lo sugeri un periodo di tempo n’e votador p’e bin vota na su urna. Esaki ta pa purba evita aglomeracion di hende n’e urnanan, paso kisas pa casualidad hopi hende ta dicidi di bay vota na mesun momento.

Na stembureau lo tin dos forma den cual t’e sistema electronico ta sostene un fluho di persona cu menos hende tin di pasa di man pa man y cu ta yuda pa menos aglomeracion di hende y menos accion cu por hisa transmision di Covid-19.

E dos punto importante pa pone atencion riba dje ta 1. E identificacion di e persona cu ta presenta pa vota y e otro ta un sistema electronico cu ta sostene e conteo.

SCAN

Scanning e biaha aki ta masha cuestiona tambe. E aña aki lo scan e stembiljet na momento cu ta deposita e stembiljet den e stembus. Ora cu un persona mester identifica su mes. Esaki ta necesario pa controla si e ta den e kiezerregister p’e stembureau na unda el a presenta.

E biaha aki esey ta bay cu un QR code cu ta riba su oproepingskaart. E Presidente di e urna lo tin un tablet cu ta scan e codigo y di biaha e software ta controla  si e tin un match cu e kiezerregister di e stembureau ey.

Si t’asina e Presidentw ta controla tambe e ID di e persona sin mishi cu ne.

Si tur cos ta bon, e votadoe ta haya su stembiljet p’e por bay vota. E stembiljet aki di ningun forma mas ta conecta n’e identidad di e votadoe. No por identifica mas cua stembiljet el a haya. Ora e bay e stemhok, e ta yena e bala cora, e ta dobla e stembiljet n’e forma indica y e ta bay n’e urna. E ta bay p’e stembus (urna) e ta pone e stembiljet cabes abou, moda cu ningun hende por wak e den e scanner.

E aparato aki ta determina e posicion di e bala cora riba e stembiljet y asina ta registra solamente e lista y e candidato cu a ricibi e voto y e ta haci esaki invisibel den e sistema. Pues di ningun forma por wak kico mas kico ta e vota cu e aparato a registra. E aparato despues ta deposita e voto den e urna y ta indica cu e proceso aki a bay bon.

Na final di dia ora e stembureau sera, e President ta sera e buzon y e scanner ta produci un papel cu e conteo di e stembiljetnan esaki ta contene exclusivamente e informacion total di stembiljet deposita, e cantidad di voto pa cada lista y candidato y e cantidad di voto invalido.

N’e stembureau e President ta habri e buzon y e miembronan di e stembureau ta conta e voto a base di e biljet. Si no tin match entre e conteo di e scanner y e conteo manual, lo controla nan un biaha mas di nobo. E stembiljet ta determina e resultado. Si nan ta match, e President traha su procesverbaal cu t’e base valido p’e resultado di eleccion mescos cu e eleccion pasa.

Presidente di Conseho Electoral, Glenn Thode a enfatisa cu e Presidente y miembronan ta traha na mesa cu honor y consenshi riba integridad di e voto den autonomia di resultado di nan stembureau.

Tambe a indica cu e entidad tabatin y aworaki tambe tin confiansa den e personanan cu ta haci e trabou aki.