Accion 21 ta lansa 3 candidato nobo

Den transcurso di siman pasa partido Accion 21 a lansa 3 candidatonan nobo. Ta trata di Leonardo Figaroa, Hans Zaandam y Leonardo Maduro. Lider di partido Miguel Maduro a presenta e 3 candidato aki durante un conferencia di prensa cu a wordo tuma siman pasa.

Leonardo Maduro ta un hoben cu ta eherce e funcion di dentista y tambe e ta un deportista. E kier lucha pa tur e dentistanan cu no por eherce su funcion manera debe ser pa falta di interes den Gobierno cu e grupo aki.

Hans Zaandam, e tin 63 aña. El a studia na Hogeschool na Hulanda den e area di logistica y haya experiencia pa 35 aña den e area aki. E motibo cu el a drenta politica ta pa motibo cu e ta cansa di yen di promesa di diferente politico y niun ta tuma accion. Y e motibo cu el a drenta den e partido Accion 21 ta paso e team aki ta brinda algun profesional intelectual y cu tin hopi determinacion.

Leonardo Figueroa un hoben di 20 aña cu actualmente ta studiando na Universidad di Aruba. E kier t’e voz di tur e hobennan cu ta wordo silencia diariamente. Un lider cu kier encurasha cada persona t’e mihor version di nan mes.