Alhambra Casino a honra su trahadornan

Alhambra Casino a celebra hunto cu su trahadornan, reconociendo y honra tur trahador cu a cumpli  5 te cu 35 ana di servicio.  Bou di reglanan stricto y protocol di DVG, tabata yama e empleadonan pa bin tuma nan envelop hunto cu nan certificado, y brinda nan un rato ameno.

A converti e oficina di Director manera un red carpet pa cada empleado sinti nan special ora na yega. Mes momento despues di un aña sin por a sigi cu e programa di Star y Supervisor of the quarter, di cual ta honra nan trahadornan ehemplar, a cuminsa bek cu e programa di cual cada kwartaal ta eligi su Crewmember y Star of the Quarter, di cual a eligi e ganadornan y combina 2 evenemento hunto.

Alhmabra ta conoci pa tur aña celebra den nan Ballroom e evento aki, di cual e aña aki no tabata posibel. Jan ten Have, Regional Director di Alhambra Casino y Divi Flamingo Casino a felecita cada trahador hunto cu Jane Geerman, Human Resources Manager.

Ganador Star of the Quarter a resulta: Sandra Adamus y Supervisor of the Quarter, Shurayma Dania.