Hit and run y Nissan March destrui den Ranchostraat

Diabierna anochi den careda di 10:30 durante cu Polisnan tabata atende e accidente n’e complehonan di cas na Bushiri, informacion a drenta di un accidente entre auto cu scooter.

Mesora tur esnan na Bushiri mirando cu nan tabata cabando, a sali direccion Ranchostraat. Na yegada no a topa cu ningun motociclista herida.

Loke si nan a bin haya na final di e caya ta un Nissan March cu su glasnan di completamente destrui, no dor di accidente, pero haci dor di un of mas persona.

Chauffeur di e vehiculo no tabata presente ora Polis a yega, algun minuut despues un hoben bou influencia a presenta. E ta laga sa cu e ta chauffeur di e March y cu e no tin rijbewijs. 

El a splica mas o menos un storia y mirando cu e ta burachi y tampoco tin rijbewijs a bisa cu lo detene.

Pero, e otro partido cu segun e chauffeur di e March t’esun cu lo a kibra su glasnan a sconde e scooter den e cas conoci pa Polis eymes n’e skina. E lo a lock e porta tambe, unda cu Polis a mira e scooter paden y no por a yega na dje.

E scooter lo a dal un auto pariba den e caya y sigui bay. No ta conoci si e Nissan March tabata coriendo tras di e scooter. Nos ta bisa esaki dor cu chauffeur di e Nissan March tabata bisa cu e tin problema cu x persona eybanda.

Na final Polis a pidi transportwagen y a logra saca e scooter tambe, unda cu a hiba ambos warda di Balashi. Chauffeur di e March a bay Warda di Polis den transportwagen.