Hoben recien opera a accidenta na Bushiri

Diabierna anochi algo pasa di 10’or, informacion a drenta di un accidente cu scooter unda e casnan di pueblo di Bushiri ta situa. Informacion adicional a bisa cu e persona accidenta no ta reacciona.

P’e motibo ey mesora varios unidad cu tabata riba caya, a dirigi nan mes p’e sitio.

Prome unidad n’e sitio a constata cu ta trata di un hoben(18) y cu e ta bij. Pero pa manda un ambulance debi cu e mucha homber aki lo a caba di pasa den un operacion serio. Na yegada di Paramediconan nan a haya e hoben drumi riba su lomba, despues di a haci’e algun pregunta nan a saca e stretcher y pone riba dje pa nan bay Hospital.

Con exactamente e accidente a sosode no ta mucho cla, pero si a pidi pa Departamento di Trafico tambe pa bin n’e sitio.