Problema entre bisiña a termina na un persona hinca y un deteni

Diasabra madruga Polis a haya informacion di un pelea na un cas situa na De Vyust y cu un persona lo a ser hinca.

Mesora Polisnan a sali p’e sitio indica, y berdad na yegada a haya e persona cu a ser hinca. E tabata cana, pero e persona tabatin un hinca. El a splica Polis kico a pasa.

Polis a constata cu e persona tabatin un hinca na altura di su ribchi, cu algun rato despues a cuminsa sangra hopi.

Segun nos a compronde e problema lo a start entre dos bisiña, posiblemente a surgi un pelea cu a termina cu unda un persona a resulta herida.

N’e sitio Polisnan algun minuut despues di a yega e adres a detene e agresor, unda a pidi transportwagen pa hibe Warda di Polis.

Mientrastanto na yegada di ambulance e Paramediconan a transporta e persona herida pa Hospital, unda el a wordo someti na testnan pa mira e seriedad di e hinka.