Cuerpo Policial durante weekend a atende cu en total di 28 asistencia cu tabatin di haber cu campaña politico

For di algun siman caba Cuerpo Policial a asigna un comision pa atende tur problematica entorno eleccion 2021.

Na comienso a organisa un reunion p’asina sera conoci cu tur e personanan di contacto di tur partido politico y despues a reuni cu cada partido político individual caminda a papia cu nan over e Decreto Ministerial y ki strategia nan lo a bay usa pa cu nan campaña.

A conbini cu tur partido cu Cuerpo Policial tur tin un solo meta en comun y esey ta pa preveni e contagio y plamamento di Covid-19 y cu esey den mente nan mester tene na cuenta cu Samenscholing, mantene distancia Social y e uso di tapaboca.

Dus cu otro palabra 2 hende hunto, distancia di 1,5 meter for di otro y preferibel no ta drenta cas y ta keda pafo scucha e personanan cu ta biba n’e cas.

Di e 28 asistencia cu Cuerpo Policial cu bay relaciona cu campaña politico por a constata cu varios partido politico no a tene nan mes n’e palabracionnan haci y a atende nan riba esaki. (Nota di Red: Menciona cua t’e partidonan, si di berdad nos kier practica transpariencia)

Cuerpo Policial ta pone enfasis cu nan tin un Decreto Ministerial cu nos mester atene nos mes na dje y durante nos encuentro semanal nos lo repasa y evalua hunto cu tur partido politico.

Nos di Cuerpo Policial tin e obligacion pa percura pa tur hende cumpli cu e leynan poni den e Decreto Ministerial y no por tolera y ta condena cu e leynan aki wordo kibra.