Den careda motor di Starlet a kima completamente na Wayaca

Dialuna mainta durante cu Bomberonan tabata na final di caya relaciona cu un supuesto edificio na candela, un otro melding ta drenta di un auto na candela na Wayaca.

Esaki tabata n’e crusada altura di e supermercado. 

Na nos yegada por a mira Bombero y un Toyota Starlet color blau. E momento eynan ya no tabatin candela mas. Por mira un brandblus apparaat a wordo usa pa a paga e candela. 

N’e sitio un cabayero cu a mira kico tabata pasando a pasa man pa su fire extinguisher y a yuda paga e motor di e auto cu tabata na candela.

E vehiculo aki tabata biniendo di nort y e cabayero aki a mira cu e auto ta na candela y e chauffeur lo a hala e auto un banda, unda cu usa e aparato di paga candela pa domina e candela. 

Asina mes Bomberonan a yega y a controla un ke otro, tambe nan a basha awa riba e motor p’asina e fria un poco.

Takelwagen tambe a yega pa hiba e Toyota Starlet cu lo mester un hood, gril y motor nobo.