Polis y Bombero a sali pa un edificio na candela na final di caya grandi

Dialuna mainta den careda di 11:30 informacion a drenta cu lo tin lugar na candela na tegenover di e pompstation na final di caya.

Mesora Polis a sali p’e sitio y lo a constata algo di huma. E momento ey nan lo informacion cu probablemente lo tin hende paden. Esaki a bira un motibo pa a kibra e porta y bay paden.

Mientrastanto Bomberonan tabata na caminda. Polis no a bin topa cu ningun hende paden.

Algun minuut despues cu Polis y Bombero tabata n’e sitio famia a yega.

Nan a bisa cu berdad a keda un persona ultimo eynan, pero esaki lo a sali basta rato pasa caba.

E persona aki lo a lubida algo riba stove y esaki a causa e huma.

Bombero a controla e lugar y despues cu tur cos tabata ok nan a bandona e sitio. Pa loke t’e famia/habitantenan Slachtofferhulp a wordo notifica pa atende cu nan.