Bonaire a celebra International Firefighters Day

KRALENDIJK – Ayera diamars, 4 di mei tabata ‘International Firefighters Day’. En conexon cu e medidanan actual di Covid-19, no ta posibel pa Cuerpo di Bombero Hulanda Karibense celebrá e dia aki conhuntamente.

Pa tòg duna atencion n’e dia special aki, ayera diamars, 4 di mei for di 1.30 or di mèrdia, BKCN a core cu algun di su vehículonan cu ‘zwaailicht’ y sirena riba careteranan di e islanan respectivo. Di e manera aki lo para keto n’e trabounan cu e bomberonan, tanto femenino y masculino, ta ehercé mundialmente, diariamente, y e riesgonan cu nan ta core pa aportá na seguridad general.