Durante trabounan, un Hoogwerker tabata trece peliger pa trafico riba Green Corridor

Diamars mainta pa mas o menos 9’or, Polis a wordo informa cu na Hyatt Place e banda di Green Corridor lo tin un situacion basta peligroso. 

Locual tabata pasando ta cu e hotel lo ta bezig cu un of mas mantencion na un parti halto parti pafo, y tabata usando un heavy equipment.

E situacion a bira un problema momento cu esaki tabata treciendo un peliger pa trafico y p’e persona mes den e machine cu ta na halto.

Un patrouille a wordo manda e area y di leu nan ta constata cu e parti patras di e machine ta parcialmente riba caminda, loke tabata causa un peliger serio.

Polisnan a keda a para n’e sitio y a sende nan zwaailicht pa automobilistanan por mira esaki.

Despues di un rato e machine a wordo movi y lo mester continua un otro dia, y/of lo mester avisa Polis.