E ultimo raport di IMF ta confirma cu Gabinete Wever-Croes a hiba un maneho financiero y economico responsabel

Recientemente IMF a publica su raport di nan evaluacion financiero y economico di Aruba den nan Article IV Mission di nos pais. Den e ultimo raport aki, IMF ta confirma cu Gabinete Wever-Croes a hiba un maneho financiero y economico responsabel. Si no tabata p’e pandemia, awe Aruba lo a conoce un surplus despues di 12 aña cu nos pais a conoce solamente deficitnan.

Den su raport, IMF ta verifica cu e maneho financiero y economico di Gobierno tabata bay den bon direccion. E caminda cu Gabinete Wever-Croes a scoge pa baha debe y traha riba diversificacion di economia tabata uno prudente y corecto.

A haci un trabou grandi pa baha un deficit cu a yega te na 444 miyon na aña 2012 na un surplus di 46 miyon florin na aña 2020 prome cu Covid19 a bati na porta di Aruba.

Aunke cu aworaki nos ta bolbe bay core algun aña cu deficit, Gabinete Wever-Croes a sa di traha un fundeshi fuerte pa Aruba su finansa publico. Ta di spera cu pronto Aruba su economia por reactiva y cu nos por yega atrobe na nivelnan responsabel di deficit sigui atrobe pa surplus den un futuro cercano.

E raport di IMF por wordo lesa via e link: https://www.imf.org/en/Publications/CR/Issues/2021/04/21/Kingdom-of-the-Netherlands-Aruba-2021-Article-IV-Consultation-Discussions-Press-Release-50175