Ayera mainta otro detencion a cay den caso Avestruz

Ayera mainta tabatin otro detencion den caso penal Avestruz, manera Ministerio Publico a anuncia cu lo tin mas. Ayera mainta tabata e comerciante Peter Susebeek a keda deteni y hiba Landsrecherche pa interogacion.

Vocero di Ministerio Publico, Ann Angela a confirma e informacion aki tambe pa nos. Den luna di januari a tene un entrada hudicial na cas di e persona aki y tambe su negoshi(nan).

Manera ta conoci, Ministerio Publico a informa siman pasa cu lo tin mas detencion cu ta bay cay, y esaki a cuminsa bek ayera diarazon.

Mientrastanto tin dos persona deteni ainda cu ta Leoncita Arends, kende su detencion a keda prolonga cu un siman mas y Franklin Abath.

Tur tin di haci cu posibel otorgamento y ricibimento di tereno di Gobierno den forma ilegal entre 2009 y 2017.