Si Alan Howell no ta integro Evelyn Wever Croes tampoco. Na dos ocasion lider di MEP a tuma ‘voorschot’ di placa di ‘Fraktie Medewerker’

Evelyn Wever Croes dos luna pasa a dicidi cu e no por traha c’un partner di gobernacion, esta e lider di POR pa motibo cu e no ta integro. 

Esaki tin di haber cu investigacion cu ta tumando lugar relaciona cu maneho di fondo di fraktie medewerker di POR. 

Awor ta bin sali na cla cu lider di MEP na dos ocasion den pasado, a tuma ‘voorschot’ di un suma Afls 14.212,46 tempo cu e tabata lider di fraccion di MEP den Parlamento, segun documentonan ricibi. 

Esakinan ta mustra cu dia 31 di december 2014 y riba mesun fecha na 2015, Evelyn a tuma un voorschot di fondo di fraccion di MEP p’e sumanan menciona y e ora ta lanta e pregunta ta dicon di repente Evelyn ta sinti cu Howell no ta un persona integro, mientras cu e tambe a tuma placa, mientras cu e placa aki no ta destina pa loke el a pidi pa haya. 

Informacion cu ta bolbe confirma e falta di honestidad di e lider di MEP!