Dikon Kurasoleñonan ta mas aktivo den kriminalidat

WILEMSTAD – Relashoná ku un moshon ku un Parlamentario radikal a lansa den Parlamento Hulandes (Tweede Kamer) resientemente, Minister di Hustisia i Seguridat di Hulanda, mr. Graperhaus, a anunsia ku lo laga hasi un investigashon riba  e pakiko i dicon Antiano ta prominente representa den e grupo di habitantenan di varios origen na Hulanda.

A pasa basta tempu prome ku e tema aki a lanta kabes un biaha mas den Parlamento Hulandes, pero komo ku ultimamente más i más por skucha e gritu di politikonan manera Wilders ku Hulanda ta pa Hulandes i kada ken otro bai nan lugá bèk, e atenshon ta enfoká mas mas tantu riba Antiano i Marokano.

Si hende bai tras di e gritunan aki, Antiano ku ta un alóktono na Hulanda, ta pasa su dia kometiendo krimen. Loke Minister Graperhaus konstatá ofisialmente ku si bèrdat nan ta aparesé asina tantu den e sifranan di kriminalidat manera tin hende ta pretendé.

Antiano tin kriminalidat den nan sanger, den nan kultura of ta di karakter nan t’asina? Of altu otro? Hecho ta ku por tene e diskushon masha kòrtiku: sí ta bèrdat ku Antianonan ta kometé eror ku mas frekuensia ku otro aloktononan.

Muchu mas tantu mes. Hasiendo un konteo di 2012 bin ariba, na aña 2012 Polis a detené 197.140 sospechoso pasobra a sospechá nan di a kometé un delito. Entre nan 89.100 alóktono, o sea, 45 porshento. (Alóktono ta hendenan di kual un di nan mayornan no ta Hulandes-Europeo).Alóktono ta forma 21 porshento di poblashon di Hulanda.

E representashon promedio di Antiano den kriminalidat ta bira mas opsivo ainda si kompará e kantidat di sospechoso alóktono pa kada 10.000 habitante di Hulanda. Tin 88 sospechoso alóktono riba kada 10.000 hende, mientras ku e sifra ta 232 pa loke a makamba.

Ken ta alóktono legitimo? E no ta eksisti pasobra ta masha rasa tin mesklá na Hulanda i ora kue e grupo di alóktono no-oksidental anto e promedio di sopechoso ta 333 riba kada 10.000 habitante makamba. No kabe duda ku wèl t’asina ku ta Antiano i Marokano t’e grupo mas grandi den tur e nashonalidatnan manera Ruso, Yugoslavo, Kroata, Afrikano, èts.

I asina mes no kada grupo ta igual pasobra den gruponan di diesmil makamba, tin 566 Antiano sospechoso i 458 Marokano sospechoso. No ta sifra di un rapòrt pa gradua kune, pero tampoko pa kalifika tur Antiano komo kriminal. Pasobra tin hopi Asiatiko den kriminalidat na Hulanda, pero nan no ta bochinchero manera Antiano i Marokano. Nos lo sa e situashon real dia Minister Graperhaus kontesta e Parlamentario Van der Staaij di Partido Sosialista  ku a hasi pregunta. Van der Staaij a constatá ku e sifranan di krimminalidat ketu bai ta preokupante i meser investigá kon por ataka e problema aki dirigi. Hecho ta ku kriminalidat a baha bou di tur grupo alóktono masha fuerte.