Scolnan cu a pasa pa final durante Fubol Escolar di IBiSA

IBiSA a cuminsa e weganan di clasifacion di Futbol Escolar dia 28 di april y ta termina awe diabierna 7 di mei un total di 8 scol pabou di brug y 6 scol pariba di brug a participa durante weganan programa. E weganan escolar ta pa mucha homber di categoria C (naci aña 2003 y mas hoben).

IBiSA ta felicita y ta anuncia cu Maria College, International School, Filomena College y St. Augustinus College t’e scolnan cu a pasa pa final unda nan ta bay hunga pa Campeon, Sub Campeon, 3 y di 4 lugar. IBiSA ta confirma cu e final ta bay tuma lugar awe 7 di mei na veld di Estrella pa 3’or di atardi y e ta bay ta en vivo via e FB di IBiSA.

IBiSA ta manda un pabien na tur scol cu a participa durante e clasificacion como tambe pabien na tur studiante pa duna lo maximo durante wega di Futbol Escolar 2020-2021.