Veloushka “Velo” Krozendijk cu otro tema mas di su proyecto ‘Hi-5’ titula “Regalo Divino”

Veloushka “Velo” Krozendijk ta un vocalista c’un trayectoria di 20 aña den musica di cual 15 di nan ta como solista.

E aña’ki e tin un structura fiha pa henter 2021, cu apart di tin su profesion como docente Educacional y vocal ‘coach’ su Proyecto ‘Hi-Five’ a inicia grabando un cover version di e tema: “Basta ya” polulariza pa Olga Tañon.

Despues Velo ta graba un tema original titula: “E poder di Amor” cu ta un composicion y areglo di Jaderick Croes, produci pa Reggie Curie.

N’e ocasion ey, Velo a traha cu Nigel Dream pa haci e mescla y masterizacion, ademas di esey a conta cu e vocalista ‘Juni D’ cu a graba coro den e tema’ki
Awor e tin di mas reciente tema cu ‘no‘ ta un tema di Dia di Mama, pero si e sentiimento c’un mama tin pa su yiu pa loke nos a compronde for di e propio “Velo’.
Cu e produccion aki titula “Regalo Divino” (Cover), a ser re-aregla, graba p’e remix master  “Markkeys Music”, e tema aki ta extra di un popular serie Colombiano “All for love” cu bo por wak riba e plataforma digital ‘Netflix’.

Den e tema’ki a conta cu a participacion special di dos talent, un di nan ta John Francis Jacobs (X-tatic y K’ribe) cu a percura pa graba tur ‘percusion’ menor, otro detaye nan di e parti ritmico plus seccion di brass, e otro talent ta Dwight Leoneta (Buleria).
Markkey Music a hinka su guitara electrico y algun detayenan synthetico mas den e tema p’e haya un color diferente.
“Regalo Divino” a sali cu su video clip cu a ser graba, dirigi, produci edita y filma pa Edson Ryan, resaltando cu imagen e amor, cariño y tur sentimento c’un Mama tin a su yiu (nan).
Su proyecto “Hi- Five” sin duda algun tin su proposito hopi special pa Velo cu a bin ta mustra di ta hopi versatil cu su talento y no ta mara su mes na un solo genero.