Accion21 a presenta un lista cu 14 candidato

Cu hopi orguyo Miguel Mansur, lider di e partido nobo liberal progresivo Accion21, a entrega e lista di candidato di partido ayera 9’or di mainta.

Accion21 kier felicita cada un di nan candidato p’e esfuerso, motivacion, pasion, y determinacion pa forma parti di un movecion nobo y inovativo. Un partido cu no kier priminti, pero haci. Danki y un pabien na tur e “Accionista” dinamico di e famia Accion21.

Seguidamente, nan kier invita henter Aruba pa tuma accion durante e proceso di coleccion di firma, cu ta cuminsa dialuna awor

E lista di Accion21 ta integra pa 14 candidato cu experticio den diferente areanan pero cu ta lucha pa e mesun meta, hiba Aruba dilanti.

Bishita nan website www.accion21.com pa mas informacion, y sigui nan riba Social Media. Facebook: https://www.facebook.com/accion21aruba, Instagram: https://www.instagram.com/accion21_aruba/