Andin Bikker: Gradiciedo pa por a sirbi pueblo den política for di 1997

Despues di a participa den eleccionnan politico desde 1997,  mr. Andin Bikker a confirma cu ta bira tempo pa duna espacio pa ideanan nobo. Mr. Andin Bikker tabata 8 aña miembro di Parlamento di Aruba caminda el a yega te na ocupa e puesto di Vice-Presidente di e organo, cu logronan palpabel te na Hulanda.

Como Minister di Husticia y Vice Prome Minister di Aruba a logra maneha nos pais bao circumstancianan hopi dificil dor di e corona virus.

Andin Bikker kier gradici tur su votadornan desde 1997, nan sosten tabata instrumental pa logronan grandi pa nos pueblo.

Andin Bikker tambe kier gradici y ta reconoce e esfuerso mutuo di su coleganan di Gabinete Wever-Croes pa por a rescata nos pais, y den dicho cuadro e ta pidi pa duna sosten na candidatonan di MEP pa continuidad di un bon Gobernacion. God bless.