Garage Cordia ta exponiendo y ofreciendo modelo nobo di marca Frances Renault

For di mei 2021, GCA Auto Sales N.V. ta presenta su ultimo campaña cu hopi entusiasmo: Synergy Deals, cu ta e interaccion of cooperacion entre dos of mas organisacion of materia pa produci un efecto mas grandi, compara cu e suma di cada efecto apart. Den e temporada aki, Garage Cordia Aruba tambe lo ta exponiendo y ofreciendo modelo nobo di e marca Frances Renault. 

E autonan Renault ta cuminsa na Afl. 25.500, cual t’e prijs di e Renault Kwid. Banda di e Kwid, e auto mas bendi na Colombia, e famia Renault tambe ta consisti di Dokker, Logan y Captur. Garage Cordia lo ta presentando e modelonan di Renault den su showroom, hunto cu e modelonan di e marca Toyota. E ekipo di benta ta ansioso pa ofrece un variedad mas grandi di auto di Hapon y awo di Francia tambe. Garage Cordia lo tin un modelo pa tur tipo di cliente, dependiendo di nan budget.

 Pa mas informacion tocante e vehiculonan Toyota, bishita e pagina di Facebook Toyota Aruba. Y pa mas informacion di e vehiculonan Renault, bishita nan pagina di Facebook, cual ta Renault Aruba. Pa papia cu un persona di e ekipo di benta, manda un e-mail pa sales@cordiaaruba.com

Tocante Garage Cordia Aruba

Cordia Aruba, GCA, a habri su portanan na juli 1965 cu un cantidad di 10 auto y algun mil dollar na piesa. E negoshi a crece rapidamente y prome cu un aña a pasa, GCA a muda for di Caya Betico Croes pa L.G. Smith Boulevard 114. Durante e añanan, GCA a logra bende 25.000 auto y tin miyones di piesa den stock. Den transcurso di tempo, e compania a expande su edificio 3 biaha.

For di su prome establecimento te cu decada 70, meneer Schnog a maneha e tienda su so. Na 1976 meneer Herbert Schnog a retira di e compania y a pasa e maneho di e negoshi pa su yiu Hans Schnog. Durante su prome añanan, Hans a maneha e negoshi hunto cu meneer Milo Daal.

Riba 17 di juli 2005, exactamente 40 aña despues cu e compania a habri su portanan, Cordia Aruba a introduci su ‘dealership’ na Camacuri. Desde su inicionan na 1965, e meta di Cordia Aruba ta pa continuamente y proactivamente expande e reparticion di su productonan y servicionan riba mercado.

Tocante Renault                       

Renault, un marca di mobilidad historico y lider den vehiculo electrico na Europa, semper a desaroya vehiculo innovativo. Renault a embarca riba un transformacion ambicioso cu lo genera balor den direccion di un rango mas competitivo, balansa y electrico. E ambicion ta pa encorpora modernidad y innovacion den tecnologia, energia y servicio di mobilidad den e industria di auto.

Tocante Toyota Toyota Motor Corporation ta traha pa desaroya y traha producto y servicio innovativo, sigur y di calidad halto, cual lo crea felicidad door di provee mobilidad pa tur hende. Toyota ta kere cu logro real ta bin di sostene cliente, partner, empleado y e comunidadnan den cua nan ta opera. Desde su fundacion na 1937, pues mas cu 80 aña pasa, nan a aplica nan ‘Guiding Principles’ den nan persecucion di un sociedad mas sigur, mas ecologico y mas inclusivo. Awe, mientras cu nan ta transforma den un compania di mobilidad desaroyando tecnologia conecta, automatico, comparti y electrico, nan ta keda fiel na nan principionan y hopi di e Metanan di Desaroyo Sostenibel (Sustainable Development Goals, SDG’s) di Nacionnan Uni pa asina yuda crea un mundo mas miho ainda, unda tur hende ta liber pa move.