Homber sin bida haya riba vloer den su cas

Diahuebs anochi pa mas o menos 7:45 bisiña/nan a bati alarma cu nan no a mira un bisiña henter dia. Momento cu nan a bay tira bista ta mira e persona riba vloer.

Na yegada di Polis nan a constata cu berdad tin un hende homber riba vloer y mesora nan a pidi pa ambulance y e instancianan concerni.

E persona no tabata duna señal di bida, pero agentenan mester sigui e protocolnan stipula, esta di pidi pa Ambulance. A pidi tambe pa Recherche y Departamento Tecnico y Slachtofferhulp. 

Parti pafo por a mira un cantidad di hende, entre nan bisiña y despues famianan tambe tabata yega.

AWEMainta ta manda palabranan di condolencia na famia di e fayecido.