Homber sin paña haciendo push ups mey-mey caminda

Diahuebs anochi algo pasa di 8’or, Polis a wordo avisa di un persona haciendo straño riba caminda y a cuminsa kita su paña.

Na yegada di Polis nan a topa cu un cabayero cu tabata comunica cu e agentenan na Ingles.

N’e sitio un testigo a bisa cu e homber sin paña a tabata haciendo push ups mey-mey di caminda.

Esaki sigur algo hopi peligroso, mirando cu e e area ta scur y ta facil pa auto por a dal e. Polisnan mirando su condicion y cu muy probablemente e tabata bou di influencia di algo a pone den boei.

Un cabayero den e area a facilita Polisnan cu un pida paña p’asina tapa e curpa di e cabayero.

Mientrastanto transportwagen tabata na caminda.

Na su yegada Polisnan a lora e homber den e paña y subi’e den e vehiculo unda el a wordo transporta pa cel di warda di polis.