Team di Rescate di AVP a bira conoci y tin lus di alivio pa nos pueblo

E caminda pa recuperacion, caminda pa exito, caminda pa alivio y progreso, a cuminsa diahuebs anochi na Cas di Partido AVP, cu e anuncia di e lista di 29 candidato, cu lo participa den e proceso electoral di dia 25 di juni benidero.

Mike Eman lider di partido AVP, a presenta e lista dilanti un grupo entusiasma y ansioso pa sa e lidernan cu lo tin cu guia e pais aki den su proceso di recuperacion den practicamente tur sector.

E retonan ta grandi, e responsabilidad lo ta inmenso, pero cu otro Plan di Rescate di partido AVP, pueblo por a subi cama diahuebs anochi cu e siguransa cu e cambio positivo, e cambio pa logra progreso y felicidad, a inicia y cu lo sali triunfante dia 25 di juni benidero.

Lista di partido AVP a bira un combinacion mixto di candidatonan cu hopi capacidad y experiencia, combina cu candidatonan nobo cu lo bay percura p’e cambio di rumbo cu pais Aruba tin asina necesidad di dje pa algun tempo caba.

Pueblo di Aruba den ultimo aña y mey a wordo asota pa un pandemia horibel mescos cu henter mundo y cu a crea hopi problema no solamente di salud, pero tambe financiero y social, turistico y den enseñansa, cu a afecta bida di miles y miles di nos hendenan.

Un pandemia cu a bira mucho mas pisa ya cu el a presenta na un momento cu pueblo di Aruba ya caba tabata pasando den momentonan financiero y social hopi duro na man di un Gobierno cu a bisa, pero nunca a pone e hende central.

AVP tin un lista cu ta prepara caba pa atende cu gobernacion di nos pais, cu tin algun aña caba trahando riba un vision con mester atende cu bienestar di nos hendenan, pa percura cu pronto nos hendenan lo mira e lus di speransa, e lus di solucion.

E team berde di rescate di nos pais ta cla pa start sali, cla pa busca solucionnan asina necesario pa nos pueblo, caminda sin excepcion di algun, tur ciudadano su interesnan lo wordo atendi y no manera den ultimo añanan, caminda un grupo di famia y amigonan, so a conoce progreso y bienestar, mientras cu e debilnan, esnan di poco entrada, a sinti e peso di un serie di medida impone, tur dia.

Por a sinti un ambiente di entusiasmo grandi na Cas di Partido, uni cu alegria y speransa di un pueblo cu ta anhelando un cambio urgentemente, un cambio pa mihor caminda su interes ta bin na prome luga y cu partido AVP esaki sin duda manera semper, lo t’e caso.

LISTA:                                                                                           

29. Benny Sevinger

28. Norman Roos

27. Abigail Arends

26. Junior Croes

25. Juan Manuel Kelly

24. Jarissa Dubero

23. Cornelia Aventurin Connor

22. Eduard Vos

21. Michael Lampe

20. Giovanni Arendsz

19. Gregory Bronswinkel

18. Wendrick Cicilia

17. Otami Thomasia

16. Desiree Croes

15. Muzaninn Wever

14. Melvin Tromp

13. Carlos Bermudez

12. Sharon Erasmus

11. Jennifer Arends-Reyes

10. Marlon Sneek

9. Clifford Heyliger

8. Selene Kock

7. Robert Candelaria

6. Mervin Wyatt-Ras

5. Ryçond Santos dos Nascimento

4. Gerlien Croes

3. Arthur Dowers

2. Mike de Meza

1. Mike Eman