Chief of Staff, Freddy Every a keda deteni pa caso Avestruz

Ayera despues cu den oranan di mainta a hiba Freddy Every oficina di Landsrecherche pa interogacion, den oranan di atardi el a ser informa cu e ta keda deteni pa Warda di Polis pa por sigui cu e investigacion.

Freddy Every ta Chief of Staff pa ex-Minister Benny Sevinger, cu manera menciona el a keda deteni relaciona cu investigacion den e caso Avestruz. Den diferente denuncia y investigacion haci, ta menciona su nomber como e persona di contacto entre Leoncita Arends y e oficina di Minister di Infrastructura di e tempo ey Benny Sevinger.

Te ainda ta deteni Leoncita Arends, Franklin Abath y Piet Susenbeek.