Fiesta grandi den henter mundo pa recorda cu aparicion di Mama Maria na Fatima 104 aña pasa na tres mucha

Diahuebs 13 di mei 2021 pa 6.00 pm, ta resa Santo Rosario n’e monumento di “Inmaculada  Curason di Maria” na Sta.Cruz.

Ta invita tur Deboto y Congreganistanan cu a ricibi nan Scapulario na diferente parokia. Henter Aruba ban resa hunto na Inmaculado Curazon di Maria”, bin bisti cu bo scapulario. Ta recorda cu nos a invoca nos mes na Mama Maria, cu nos ta resa e Santo Rosario. 

Nos ta reuni riba parkeerplaats p’ariba di misa. Dia 13 di tur luna ta bin hunto n’e monumento y ta resa y canta, tur hende ta invita pa bin y resa.

Palabra di e angel di Pas. Resa cu mi…

“Mi Dios, mi ta kere den Bo, y adora-Bo, mi ta confia den Bo y stima-Bo. Mi ta pidi pordon p’esnan cu no ta kere den BO, ni adora-Bo, cu no ta confia den Bo, ni stima-Bo.”  Resa  3x prome cu rosario.

(Sagrado Curasonnan di Hesus y Maria lo ta conmovi door di bo oracionnan).

Palabranan principal di La Birgen di Fatima n’e wardadornan chikito

“Bosonan kier ofrece na Dios boso sacrificionan chikito, accepta sufrimentonan cu E ta manda pa boso, pa duna reparacion di honor na Su Divino Mahestad pa picarnan numeroso pa cual E ta hay’E ofendi”? Bosonan kier sufri tambe pa combercion di pecadornan y pa duna satisfaccion pa blasfemia y ofensanan cu nan ta haci na Mi Curason Inmaculada?”

Resa p’e pandemia cu ta azota mundo desparce for di e mundo aki.  Pa trankilidad riba nos isla.                                      

Tin buki especial pa resa na e monumento di Inmaculada Curason Maria solamente un bes pa luna. Tur hende ta Bon Bini.

Nos ta resa pa pronto recuperacion di Manuel nos Presidente cu ta na Colombia, nos ta spera cu e ta serca nos den nos oracionnan