Jennifer Arends-Reyes e candidata perfecto pa Enseñansa y Turismo

Jennifer Arends-Reyes ta un nomber cu a bin ta hala hopi atencion y simpatisante for di su entrada na 2013 riba e lista di AVP. Sigur den su prome salida a haci un diferencia grandi den politica enfocando riba area di Educacion y Turismo.

For di su entrada na 2013 riba e puesto #20 ricibiendo mas di 600 voto riba su nomber, tabata un señal cla pa Jennifer y Aruba cu su carera politico tin un proposito y esey el a bin ta haci cu determinacion y firmesa.

E motibo principal cu Jennifer a drenta politica ta pa haci un diferencia trahando p’e bienestar di Aruba. Pa Jennifer number riba lista nunca tabata un obstaculo den su caminda pa logra gana curason y sosten di su pueblo. E ta un persona luchador y fuerte.

Na 2013 el a ocupa e puesto #20 y na 2017 el a subi na puesto #10 manteniendo asina su votadornan cu a kere semper den dje y den su trabao cu el a bin ta desplega desde 2013. 

Semper enfocando su mes riba e meta cu a drenta cun’e den politica, semper constructivo, cu energia positivo y activo den organisacion di su partido tambe.

Pa cu eleccion venidero Jennifer kier a recorda tur hende cu #11 T’esun! Jennifer ta duna respet y oido na tur su votadornan cu ta crece cada dia y ta kere den su potencial grandi, seriedad, trabao y esfuerzo pa Aruba.

Jennifer ta cla p’e reto su dilanti, e reto di salba Aruba conhuntamente cu e partido berde y ta haci un yamada na tur hende pa duna nan e mandato y respaldo completo pa nan por salbaguardia e pueblo.

Mescos tabata e caso durante di Gabinete Mike Eman 1 y 2, Jennifer tin e experiencia y tur e calidadnan pa continua cu su trabaonan necesario pa enfoca riba Enseñansa, formacion di nos hobennan y tin un pasion grandi pa Turismo, cual ta nos pilar economico di mas importante.

Dia 25 di juni awor pueblo por conta un biaha mas riba Jennifer Arends Reyes – AVP #11 T’esun dunando e bo sosten y voto!