Mama y yiu envolvi den accidente di scooter

Diamars mainta pa mas o menos 7:30, Polis a ricibi informacion di un accidente na Nuñe y cu lo tin hende herida.

Na yegada, Polis a topa cu un señora y un criatura, nan tabata riba un scooter. Por a mira cu e scooter a lastra riba e caminda. 

Segun version di e dama, un cacho a sali for di panort y esaki a pone cu el a perde control y cay.

Tanto e adulto como e criatura a haya varios rasca na curpa. Ambulance a wordo pidi y na su yegada Paramediconan mesora a bay atende cu e heridonan.