Mantencion di instalacion di 12.000 Volt den stacion di ELMAR na Pos Abao y Paardenbaai

Suministro di coriente continuo y confiabel ta prioridad di N.V. ELMAR. Actualmente N.V. ELMAR ta haciendo mantencion riba instalacion di 12.000 Volt den stacionnan di Pos Abao y Paardenbaai. Esaki den cuadro pa por sigui garantisa suministro di coriente continuo y confiabel tur momento di dia.

E mantencion aki ta wordo haci dor di tecnico di compania ABB di Hulanda. Pa por haci mantencion riba instalacion di 12.000 Volt, mester kita coriente n’e stacion y pasa e “load” di coriente di kabelnan di 12.000 Volt pa otro stacionnan den becindario, ocasionando cu e otro kabelnan di 12.000 Volt lo tin mas “load” cu normal. Aunke cu no ta premira interupcion den suminstro di coriente den areanan di stacionnan na Pos Abao y Paardenbaai, N.V. ELMAR ta pidi comunidad di Aruba comprension den caso cu por surgi interupcion di coriente den e simannan benidero.