Un pabien na tur participante y ganadornan di Arte di Palabra 2021

Diasabra ultimo, día 8 di mei 2021, Shailiny Tromp-Lee a asisti n’e competencia literario Arte di Palabra. E aña aki tabata su di 13 Edicion. En total a participa 21 hoben y e merdia tabata un carisia pa e orea. 

Meta di Arte di Palabra ta pa promove amor pa cultura di nos idioma Papiamento. Enrikese nos idioma cu creatividad  di nos hubentud y mas cu claro amplía e baul literario di nos país.

Pabien na cada un di e hobennan cu a participa y a compartí nan arte di palabra cu nos. Esaki banda cu nan a demostra hopi curashi pa subi escenario mirando cu casi tur ta pa prome biaha nan ta participa.

Un danki n’e comite organisador y na tur scol y maestronan cu a motiva, incentiva y apoya nos hobennan pa participa.

Masha pabien na tur hoben cu a cay den premiacion. Ban spera di por sigui waknan mas biaha riba escenario y cu nan por sigui  desaroya riba e tereno aki.